واحد ميكروباص وحياتك - 3
واحد اجتماعيات:
عانس هو لقب قاسى تحصل عليه كل امرأة لم يشأ لها الله بالزواج والمطلقة هو اللقب الذى تحاول العانس الا تأخذه اذا حدث وتزوجت وقارنت حياتها قبل الزواج وبعده
واحد مطب صناعى:
صرح خبراء ان الماساة الانسانية اليومية فى الطرق والمواصلات يرجع لسير اكثر من مليونى سيارة فى الشوارع التى لا تتحمل سوي 450 الف سيارة فقط .. وزاد اندهاشى وسالت نفسى وقلت امال الناس مش لاقيه العيش ليـــــــــــــــــــــه ؟؟
واحد فوووول اتوماتيك:
كثير ما اتمنى لو تمكنت من عمل الامر Undo للاطباق والحلل عند اتساخها فى المطبخ ..او اذا جرحت اصبعي بسكينة .. او اذا ارتديت ملابسى بالمشقلب .. او اذا اغلقت الباب ونسيت المفتاح بالداخل
واحد رغيف عيش:
بسبب ازمة احتكار حديد التسليح واشتعال اسعار كل مواد البناء من اسمنت ورمل وزلط وتراب .. حدثت أزمة رغيف العيش .... مش علشان مش لاقيين العيش .. لان من بعد رغيف العيش .. مش هنلاقى زلط ناكله ولا تراب نسفه
واحد رابطة مشجعى سيون:
تداعت ازمة الحضري مع تداعيات ازمة ارتفاع الاسعار والسولار والبنزين وانعدام الرغيف ... والحقيقة مش عارفة حظ الحضري هو الى نحس لانه ماكنش وقتك اساساا ... ولا احنا الى شعب فقرى وحتى الحضري كنا ناقصيينه
واحد سياسية:
تطالب الحكومة المصرية الاتحاد الافريقي لكرة القدم لجعل بطولة الامم الافريقية كل شهرين وذلك حتى يتسنى لها رفع الاسعار من غير ما حد ياخد باله بينما الشعب بيرقص فى الشارع
15 comments:
واحد فوووول اتوماتيك ..جامده جدا
واحد مش عارف يعيش
واحد عاوز يتجوز
واحد قرر ينتحر
واحد خببطته عربيه
واحايد كتير اوى بنا يستر علينا
اسلوبك جميل اوى
تحياتى
تعليقك على اللقطات اللى اخترتيها خطف الابتسامة من على شفيفى بجد .. اسلوبك الساخر رائع
اتمنى زيارة مدونتى
estraha.blogspot.com
خدي عندك
النهاردة في الدستور خبر...واحد بيبيع بناته في الشارع علشان مش لاقي يأكلهم وهو شخصيا مش لاقي ياكل
احنا خلاص بقينا شعب درجة تالتة ورابعة كمان وكله بفضل توجيهات حكومتنا الرشيدة
ربنا يتصرف معاهم بقى
ايه الطلقات الرهيبة دي
كلام كله في الجووول
ربنا يستر ومحدش يتعور
:)
خالص تحياتي
واحد مالوش دعوة
اكتبي كتير لو سمحتي وبلاش تسيبينا فترة طويلة كدة
أدعوكم، وتدعوكم ورقة وقلم .... إلى الاحتفالية المقامة بمناسبة فوز بوكر العربية ببهاء طـاهر ، وذلك يوم الثلاثاء القادم .... الأول من إبريل ... في نقابة الصحفيين الدور الرابع ... السادســـة مساءً
كان عندى سؤال بس انتى منين فى وسط البلد
حتى الفول بقى كده
gooooooooooooooooooooood topic
حتى رغيف العيش الحكومة مش عارفة توفره
الكلام ده فى سنة 2008 مش فى العشرينات ولا فى التلاتينات
شوفتى التقدم والتطور اللى احنا فيه
Ahmed Refaat:
تسلم يا فندم وعندنا كمان واحد فول بالزيت الحار
Momken:
انا متشكرة اووى على زيارتك الغالية
وعندك واحد زبادى فى الخلاط
وواحد مينييمم شارج 50 جنية
منورنا وابقى تعالى دايما :)
Mohamed:
زيارتك عندنا شرف عظيم
واكيد اتشرف بزيارة مدونتك الكريمة
منورنا يا فندم
بيسوو:
اهلا يا جمييل وحشتييينا
الحال اصبح اصعب كتير من اى ما حد يتخيل .. وسعمتى رئيسك بيقول الناس تستحمل هنجيبلهم دعم منين .. والزيادة السكانية هى الى مأخرانا
ساعتها قلت الى مش عايزها ومش طايقها يسيبها ويريح دماغه واعتقووونا
ياسر حسين:
منورنا يا فندم
طب اوعـــــى وشــــــك :)
محمد المصطفى:
من عنينا الاتنين يا فندم :)
ابراهيم .. معايا:
شكرا على الدعوة الكريمة يا فندم
بس حضرتك هى الاحتفالية دى بمناسبة ايه :) ؟؟
Baker:
انا على ايدك اليمين وانت داخل فى اول شمال وانت خارج من الشارع الرئيسي من وسط البلد :)
صوت من مصر:
الفول والطعمية والعجة حضرتك :)
منورنا يا فندم
شاب اسكندرانى:
انا متشكرة اوى يا فندم على زيارتك الغالية
ويا ترى الاسكندرية فيها كده برضة ؟؟؟
مصر هى امى:
عندك حق يا عزيزى
يعنى بعد 26 سنة تقدم واذدهار وقفزات للمستقبل .. العيش الحاف مش لاقيينه
بس احنا الى غلطانين .. مش لاقيين عيش.. ناكل كرواسون
منورنى يا فندم
تحيياتى للجميــع :)
ابتسمت هنا ..
ودا محصلش للأمانة من زماااان قوي ..
يعني ان تبتسم سعادة وانت في الجيش امر فيه نظر ..
شكرا لك .
محمد العدوي:
سعيدة جدا بزيارتك الغالية
وانت من وراء قضبان الجيش
واحنا كلنا فى الجيش والمحاكم العسكرية
فا ما تقلقش كلنا هذا الرجل
حقيقى منورنا
:)
Post a Comment