Wednesday, December 17, 2008

واحد صورماتى ... لو سمحت



الشعوب العربية تهنئ الرئيس الامريكي جورج بوش على الجزمة الجديدة (الفردتين مش فردة واحدة) وبنقولوا كلنا .. مبروك على الأرض يا سيدى




الفنانة عبلة كامل تهدى مطلع اغنية الفيلم الجديد للرئيس بوش وبتقوله
يا سعده يا حظة ............ الى يجيلة كووووووتشى



بدل من كسر قله او زير ... الوطن العربي يودع الرئيس بوش فى نهاية فترته الرئاسية ... بلطشه فى خلقته بالجزمة الى اكيد كانت قديمة



مسؤول عربي يتقدم بطلب احاطه لجامعة الدول العربية بمنع الصحفيين من ارتداء اى احذية اثناء انعقاد المؤتمرات الصحفية للرؤساء وكبار المسؤولين .. مش علشان حاجة لا سمح الله .. بس لافتقار الرؤساء والمسؤولين العرب لرشاقة بوش فى تفادى الاحذية الطائرة




بما ان القرعة بتتباهى بشعر بنت اختها ... فا بمنتهى الفخر والاألاطة اعلن .. لو لم اكن مصريا لوددت ان اكون منتظرا زيديا




ينتظر الفن العربي الفنان السياسى المخضرم شعبان عبد الرحيم بالغناء لحذاء منتظر .. بس يا رب يلاقيه



نحمد الله ان هذا المؤتمر الصحفى لم يكن فى مصر .. والا ماكنش اتبقى من (منتظر) الا حذاؤه



مراسلكم من القناة الاخبارية 44 جوز بنى لميع


12 comments:

اسكندراني في الغربة said...

يا ريت كان جورج بوت اتضرب من زمان علشان ترجعي تدوني تاني

تحياتي

ToTa said...

Welcome back, yaeskandarany, sabab el pause da kan a7la sabab fe eldonia :)

ihapoof said...

loooooool

تحيبّى تزيطى أنتى فى الفضايح أوى ..

حمد الله على السلامه (:

الشنكوتي الكبير said...

ليه بس كده يا ناس فرحانين في بوش
ده كان طيب وحنين والدموع بتفر في عينه لما يشوف منظر حزين
وبعدين ده حتى ميصحش ده ضيف عندنا
نهب اموالنا
وقتل اطفالنا
وانتهك حرماتنا
وساعد علينا كلاب الأرض ينهشوا فينا
يعني مش اي ضيف ده ضيف عزيز
ياريت الجزمه كانت بسن رصاص يمكن كانت شفت غليلنا
وربنا يستر على اللي ضحى بنفسه علشان بس يثبت موقف

سلااااااااااااااام

Iskanderani said...

مساء الخير عليك بنوتة من وسط البلد؛

شئ جميل قراءتك مرة أخري بعد غياب طويل؛ علي فكرة المغني الشُعبي خرمان بن عبد الرحيم أكيد راح يعتذر علشان ليلة العيد كبس الحشيش علي نفسة ولقوا كمان في جيبة حلاوة عسلية وقرن خروف لسة مدبوح ... بس أنت ولا يهمك أنا راح أكلم لك إبنه علشان يغني بدلا منه أهو المهم واحد منهم يغني وهو مش خرمان .... عربجي ولا مكوجي يغني وخلاص مش راح تفرق مين بيغني ومين خرمان

وحمداً لله علي عودتك للكتابة

تحيات إسكندرني في بلاد الله الواسعة

مثلية تبحث عن ذاتها said...

اولا حمدالله عالسلامه طولتي الغيبه اوي ثانيا ياريته كان اتضرب بالجزمه من زمان عشان ترجعي:)))

بنوتة من وسط البلد said...

اسكندرانى فى الغربة:
-------------------
انا متشكرة اوى يا اسكندرانى
والله ليكو وحشة كبيرة اووى
وان شاء الله فى بوست قريب نعلن سبب هذا الاختفاء :)

تحييياتى


Tota:
-------
aiwa ya 3am enta yaelly 3aref el mest7'aby :)

thanks a lot my dear



ihapoof:
----------
الله يسلمك ويبارك فيك
وربنا ما يوقعك فى فضيحة يا اخويا :)


الشنكوتى الكبير:
----------------
والله بوش ده عنده رووح رياضية عالية جدا
الراجل اتضرب بالجزمة ووقف فى مكانه وهو مبتسم ولا كان حصل حاجة

رئيس عربي غيره كان زمانه قبل الفردة التانية ما تتحدف فى خلقته كان ركب طيارته على بلده عدل

منرونا يا غالى وبلاش قلوب سودا بقى :)


Iskandrani:
------------
والله يا فندم مش عايزة اقولك حضرتك وحشتنا اد ايه
ووحشتنى تعليقاتك الغالية غلى قلبي
وان شاء الله مانغبش تانى واذا كان على خرمان عبد الرحيم فا منه لله بقى .. غنى لشبشب بدل من الجزمة

وان شاء الله البوست الجاى هقول لحضرتك خبر حلو .. وحتة منه تخص حضرتك :)

منورنا دايما يا فندم

واعتذر عن الغياب


مثلية تبحث عن ذاتها:
-------------------
شكرااااااااااا
:)

3abasya wa7ed said...

أقتبس تعليق من أغنية راب ظهرت فى الفترة الأخيرة عن نفس الموضوع اسمها قبلة الوداع

(
بالجزمة ...هى قبلة الوداع ياكلب
بالجزمة ....جاى تانى لاء وجاى له قلب

(

بوست فى وقته

عباسية :D

يا مراكبي said...

دلوقت بقى المثل بيقول: القرعة تتباهى بجزمة بنت أختها .. هههه

ضد الظلم said...

هههههههههههههههههههه
جامده
تحياتى
ابوالعربى

kalamfisamt said...

يااااااااااااه الحمدالله جيت متاخر وكمان حافية القدمين
وربنا كرمنى وقدرت اوصل لهنا الموصلات صعبه ياختى
بس عشان هركب تكتك عشان اشوفك كــــــــــــلام خاص
بجد انت كتاباتك تحفه ودمك عسل

الحصان الأسود said...

انتي مخفية فين يا بنتي

شكلهم خدوكي تحري عشان طولة لسانك اللي طالت مولانا بوش ولي النعم

برغم انة رحل و جة بدالة مولانا التاني اسمة اية... اة اوباما

كل سنة و انتي طيبة
و رمضــــــــــان كريـــــــــم


عودي يا هاميس


عودي الي اوزوريس



عودي الى التدوين