Tuesday, February 18, 2014

كفاية عك




فيه عك ... وعك فيه 


لما الكلام يبقي متحاش في زورك ومش عارف تتكلم .. بيبقي لسان حالك .. "كفاية عك"
العك لما بيبقي اسلوب حياة بتبقي دايما النتائج والتوابع فوق الحد الاقصي للمسموح والمقبول والمنطوق والمسموع

لما يبقي عادي انك تموت علي ايد بلطجي .. او رصاصة داخليه .. او تحت تريلاا ... او تتفرم جوا قطر

والناس تنسي وتعدي يبقي ده عك
لما تقول تمرد ،، وترجع تتمرد علي الي اتمردوا دي يبقي عك
لما تبقي ضد الاخوان ولما تدخل العسكر ترجع تقف مع الاخوان ده يبقي عك
لما تفتكر عسكر شتيمه .. ده اصلا عك
لما تسلم الايادي تتغني في الافراح دي يبقي عك
لما تسكت علي حكومه المسنين والوفيات ده يبقي عك
لما كنا قاعدين نعد الزباله في الشوارع وناسيين بلاوي البنزين والكهرباء واللقمه ده عك
لما يبقي فيه سنه في عمر مصر كلها عك في عك في عك
لما ازمة سد اثيوبيا ما بتبقاش فجاأة ازمة وبقت بتحمل الخير لمصر ده عك
لما مبارك لسه مامتش سريريا لحد دلوقتي ده يبقي عك
لما ٧٤ بني ادم يموتوا في ماتش وما حدش اتحاسب ده يبقي عك
لما تبقي فاكر ان القضاء الشامخ لسه شامخ ده يبقي عك
لما لحد دلوقتي الناس بتسال عمر سليمان ده عايش ولا ميت ده عك
لما تبقي لسه فاكر ان مرسي راجع ده عك
لما احساسك ببرنامج البرنامج يبقي شويه قرفان وشويه مبسوط ده يبقي عك
لما حمدين صباحي لسه عايز يترشح للرئاسه ده في ذات اصله عك
لما تكون ما سمعتش شريط شرين الجديد لحد دلوقتي ده يبقي عك
لما الطرحه السبانش تتقلب كوفرته علي الدماغ ده يبقي عك
لما تعمل شير لبوست علي الفيس لشهيد وتكتب "اضغط لايك" وقول الله يرحمه .. ده عك
لما الاعلام يبقي مصري .. ده عك
لما الحياة سينما لسه بتقولك الافلام كلها حصري .. ده عك
لما مش عارفين المدارس راجعه ولا فيه وباء ومش راجعه .. يبقي ده عك
لما المشوار تاخده في ساعتين وربع بدل من ربع بس ده يبقي عك
لما تحزن ومش قادر تقول ده يبقي عك
لما تبقي فاكر ان مصر هتبقي احسن بلد في الدووونيا .. ده يبقي عك


كفايه عك وارحمي نفسك يا اختي 
... الي مصر الي كانت ... اتحدث وافش غلي ...

3 comments:

Unknown said...


thx

كشف تسربات المياة
غسيل خزانات
شركة نظافة عامة

Unknown said...

thank you

سعودي اوتو

كبرتش said...

ياااه بأن عبد الصمد ، اول مره اجي هنا يمكن من ١٠ سنين ، ايام جميله عدت ، الفيس بوك قضى على البلوج ولا حول ولا قوة الا بالله ، مقال جميل