بلادي بلادي ... يادي الخيبة

بلادى بلادي لكى حبي وفؤادي

لكل من لم يتذكر هذه الابيات .. فهذه الأبيات من المأسوف له ما يدعي بالنشيد الوطني .. فااااااااااااااااااكرينه ؟؟؟

انا بقالى سنين ناسية موضوع ان فى نشيد وطنى للبلاد .. ده انا حاولت حتى اتذكر ابياته ولحنه لقتنى ناسياهم

يا ريت لو كل واحد فينا يسأل نفسة كده .. اخر مرة قلت فيها النشيد الوطنى كان أمتى ؟؟؟؟

افتكروا كده .... حاولووووواا .. علشان خاطرى .... ؟؟ طب بلاش علشان خاطرى .. علشان خاطر مصر .. افتكروا كده قولنا النشيد الوطنى اخر مرة كان امتى ؟؟؟؟

كلنا هنقول اكيد قلناه فى المدرسة .. انا شخصيا مش فاكرة اخر مرة قلته كان حتى فى سنة كام فى المدرسة .. اصل اكيد فى ثانوي ما كناش بنقوله .. وكنا بنستهيف العيال الى واقفة طول بعرض وبتقول النشيد زى العيال بتوع حضانة

قال يعنى من رموز الروشنة وان احنا عيال كبيرة وخلاص داخلين الجامعة مش هنقول النشيد الوطنى زى العيال الصغيرة

انا فاكرة واحنا فى ابتدائى كان يطلعوا العيال بتوع الشرطة المدرسية يقولوا القسم .. القسم ...!!!!!!!!!! (فاكرريييييييييييينه)

"اقسم بالله العلي العظيم .. ان اكون مخلصا .. و ان ابذل جهدي .. لان ... لان ..."

ياااادى الخيبة مش فااااااااااااااكرة

طب مش مهم القسم ... بعد العيال بقي ما تقول القسم (الى انا مش فاكراه) نقوم مصرخيين وقايليين النشيد الوطنى بصوت عالى زى ما نكون فى مباراه مين صوته هيكون اعلي

بلادى بلادى بلاااااااااادى

لكي حبي وفؤادى

مصر يا ام البلاد ... انتى غايتى والمراد

وعلى كل ................

ايه ده .. يا لهوووووووي .. يا مصيبة سوددددددددددددددة .. ويا داهية دقي وصهللي

مش فاكرة النشيد الوطنى

عاااااااااااااااااااااااااااااااااااااااااااااااااا

مفروض يا اخوانا النشيد الوطنى ده رمز للانتماء .. رمز للاحساس والشعور بالوطنية .. نقوله كده بمنتهى الشموخ والاباء واحنا باصيين للعلم .. وقلبك حاسس بمعنى كل كلمة بتقولها

المصيبة احنا ليه بقينا مسخ كده ؟؟؟؟؟؟ ليه بقت وطنيتنا مشووهه كده ...؟؟ ليه جنسيتنا بقت مجرد بيان فى بطاقة وبس؟؟

ولما تسال واحد ايه مصر بالنسبالك ايه .. يقولك مصر هى أمى .. طب عملت ايه لأمك .......؟؟؟؟ ولا حااااااجة ... !!!!!!! ولما تسال الى جمبه مصر ايه بالنسبالك .. يقولك ماحبش اتكلم على ام صاحبي

الوطنية مش انى اكون ليا نشيد .. الوطنية انى اعتز بانى جزء من هذا الوطن .. واغير من نفسى واسعى انى اوصل للافضل .. لانى جزء من هذه المنظومة .. واذا استقمت وكان لى مبدا .. وحافظت عليه .. وعمل كده كل واحد زى .. ستنتظم سائر المنظومة .. وزى ما انا شغال غفير .. ممكن اكون وزير .. يبقى التعديل والتغيير هيبتدى من جوا كل واحد فينا .. ومن احساس كل واحد فينا بالامانة والشرف

الحقيقة سبب انى افتكرت الى اسمه النشيد ده ... ده اذا اعتبرت نفسى افتكرته فعلا ... لما سمعت نواب مجلس الشعب بيغنوا النشيد الوطنى وبيهتفوا يوم الموافقة على التعديلات فى مجلس الشعب وتحديد موعد الاستفتاء .. كان اول مرة بعد سنين طويلة اسمع النشيد .. ومن مين .. من خيرة ابناء مصر .. نواب مجلس الشعب .. وامتى ؟؟؟ يوم الموافقة على التعديلات الدستورية ... يعنى حدث عظيم من ابناء عظماء من ابناءك يا امنا يا طاهرة يا محروسة ... تخيلت كل واحد فيهم وهو بيقول النشيد .. كل واحد فيكوا فاهم معنى الى بيقولوا ... عملتوا الى يمليه عليكوا ضميركوا بعد ما (قزقزتوا) القوانين تقزيز .. وقشرتوها تقشييير كده .. لحد ما وصلتوا للى فى خدمة البلاد وشعب البلاد

بلاد تتشال وتتحط فوق راسكوا يا بعدا .. ما علينا

انا مش عايزة اغير محور الموضوع ونلاقي روحنا بنتكلم على شعارات كدابة وعلى الوطنية ومصر ونلقينا بنلطم على الفساد ... وعلى المعتقلات وعلى النظام والحكام .. ونلاقينا بنوالول على الدستور والتعديلات ..

وعلى اننا فقدنا الانتماء والولاء .. ولا ان احنا لا بقى لينا ملامح ولا هوية ... وجيل كامل طالع لا حاسس بزعامة ولاقدوة ولاوطنية .. وصباح القشطة على المهلبية ... وصبح صبح يا عم الحج ويا خالتى نزيهة وحسنية

انا مية مرة اقولكوا احنا ناس لا بتوع سياسه ولا بتاع.. ولا لينا فى الألفطة وشغل التلات ورقات .. ولا فى عيلتنا ترزية ولا مطبلتيه

وسمعنى احلى سلام للنشيد الوطنى

وعظيمة يا مصـــــــــر ... يا أرض اللواء

كان ممكن اكون ورقة

كتير يتخيل نفسلى اى حاجة غير انى اكون بنى أدم .. ما هو كله بأيد ربنا .. ربنا زى ما خلقنى انسانة كان ممكن يخلقنى اى حاجة .. سبحان الله ..

ممكن كنت ابقى ذرة تراب .. ممكن ابقى قطرة مية .. كان ممكن ابقى شجرة .. او ممكن كنت ابقى سحاب

كان ممكن ابقى خروف .. كان ممكن ابقى حديد .. كان ممكن ابقى جبل .. كان ممكن ابقى جريد

كان ممكن ابقى سمكة .. كان ممكن ابقى خاتم .. كان ممكن ابقى شعاع .. كان ممكن ابقى عالم .. كان ممكن ابقى كوكب .. كان ممكن ابقى قمر .. كان ممكن ابقى هوا .. كان ممكن ابقى اوكسجين أو سما

كان ممكن ابقى خشبة .. كان ممكن ابقى طير .. كان ممكن ابقى نحاس كان ممكن ابقى بير .. كان ممكن ابقى غصن كان ممكن ابقى فيل

كان ممكن ابقى بطاطس .. كان ممكن ابقى مركب .. كان ممكن ابقى نيل .. كان ممكن ابقى ساقية او ترعة او سور او جردل او عود كبريت

كان ممكن ابقى نار ..أو بركان .. أو فيضان .. امطار و سيول او برميل

كان ممكن ابقى حشرة .. او طاعون او ايدز او سرطان او فيرس سى

كان ممكن ابقى شنطة ... كان ممكن ابقى شبشب او جزمة او بوت طويل

كان ممكن اكون فستان او بلوزة او طرحة او بنطلون وقميص

كان ممكن ابقى سيجارة ... بانجو .. وكان ممكن اكون حشيش

كان ممكن ابقى لون .. او موجة او نغمه او حرف او كلمة او راديو و تليفزيون

كان ممكن ابقى رصاصة كان ممكن ابقى مدفع .. كان ممكن ابقى طلقة ومسدس

كان ممكن اكون لعبة .. كان ممكن ابقى نجمة .. مجرة .. شمس او نهر او حتة من الجنة

كان ممكن اكون من الجن والشياطين وكان ممكن اكون من الملايكة والحور العين

كان ممكن ابقى لحظة كان ممكن ابقى عمر .. كان ممكن ابقى يوم وكان ممكن اكون سنين

كان ممكن ابقى ورقة .. يترسم فيها رسمة .. يتكتب فيها كلمة .. تتلحن عليها غنوة .. ورقة يتكتب فيها تاريخ .. ورقة نتحاسب عليها .. وفيها الى لينا والى علينا ... ورقة تظهر حق مش باطل .. ورقة تنصر مظلوم ومش ظالم ... ورقة مكتوب فيها خبايا وسر دفين .. ورقة تطير فى الهوا .. ورقة حتة من كشكول او من كراسة او من ارشيف .. بس فى الاخر الورقة هتتقطع من الكراسة وهتندفن جوا الأرض ومش بعيد اتحرق وأكون رماد وارجع تانى للتراب

المهم مين الى فهم ؟؟
ومن الأخر .. مين فينا يرضى يكون مين.. ؟؟

واذا ما كنتش ورقة .. ممكن اكون كيس شيبس

ووسعوا بقى عايزة فول شاندوشت

علشان حاسة انى بقيت رغيف

:)

الأسكندرية ....... كما رأيتها

الأسكندرية كما رأيتـــها

اهدى هذا البوست لاسكندرانى فى بلاد الله الواسعة وكمان لكل اسكندرانى ومصرى مغترب عن بلدنا الحلوة

رحلة جميلة استمتعت فيها السبت الماضى 10 / 3 /2007
وهذه لقطات لاماكن ومشاهد احببتها

الكورنيش من المنشية - الأسكندرية حتة من المية

مسجد المرسى ابو العباس

قلعة قايتباى

قلعة قايتباى

قلعة قايتباى - سقف بهو المسجد داخل القلعة

قلعة قايتباى - ارضية بهو المسجد داخل القلعة

المسرح الرومانى

النورس ومراكب الصيادين

المندرة - قصر المنتزة

المندرة - قصر المنتزة - برج الساعة

الغروب - فندق فلسطين - قصر المنتزة

طارق المملوك - شعب مصر الذى ينتظر القصاص

منقول من رسالة للزميل الفاضل طارق المملوك
صاحب مدونة شخبطة ملوكى

ارجو الاهتمام والنشر فى كل المدونات والمجموعات البريدية والمنتديات

كرامتك يا مصرى .. اعمل حاجة واصرخ وقول بصوت عالى .. واطلب القصاص لشهدائنا واسرانا

وقم بارسال نص هذه الرسالة التى تفضل زميلنا الغالى مشكورا بكتابة نصها

وقم بارسالها على العنوانين التالية:

البريد الالكترونى لوزارة الخارجية : minexter@idsc1.gov.eg
رئاسة مجلس الوزراء : primemin@idsc.gov.eg
وزارة الدفاع و الانتاج الحربي : mod@idsc.gov.eg

السيد / أحمد على أحمد أبو الغيط
وزير الخارجية المصرى
نرى و نسمع الكثير منذ سنوات و عقود عن اسرى مصر البواسل الذين لقوا وجه ربهم شهداء على ايدى العدو الغادر الصهيونى
لم ينالوا شهادتهم فى ميدان المعركة ، ولم يقاتلوا ، ولم يكونوا وقتها حاملين سلاحهم يدافعون عن انفسهم حتى الموت ، غدرت بهم يد الصهاينة الاوغاد و هم عزل بلا حق دفاع عن انفسهم ولا سلاح يحميهم ، كانوا اسرى حرب تحملوا مرارة الهزيمة و تحملوا غدر العدو المتوحش ، فلا يجدر بنا الا ان ننصفهم مرة و لا نغدر بهم الثالثة
نحن من شعب مصر الاصيل وليس منا الا من له شهيد فى بيته او اسرته او عائلته او فى حيه الذى يقطنه ، و من هنا نخاطب فيكم مصريتكم ان تثأروا لدماء الشهداء والا نخذلهم و نخذل دموع الاباء و الامهات و الابناء الذين ينتظرون القصاص فى الدنيا من المجرم السفاح ، قبل ان يقتص لنا الله تعالى منهم فى الاخرة
نتمنى جميعا ان نسمعك فى كل المحافل تحمل ملف القضية فانت كما عودتنا سابقا وقت ان كنت مندوبا لمصر فى الامم المتحده تسعى بكل الطرق لنيل حق مصر المشروع فى قضايانا العظيمة
(وَلَكُمْ فِي الْقِصَاصِ حَيَاةٌ يَا أُولِي الْأَلْبَابِ لَعَلَّكُمْ تَتَّقُونَ)
لكم منا خالص الدعاء بالتوفيق فى خدمة الوطن
شعب مصر الذى ينتظر القصاص

دافع عن الأقصى

حملة الدفاع عن الأقصى

اقترح العزيز قاسم أفندى

بأن نبعث في اليوم السبت الموافق (3 مارس) رسالة إلي اليونسكو لتخصيص لجنة دائمة لمراقبة والحفاظ علي المسجد الأقصى (كأثر تاريخي) وفقا لاتفاقية حماية التراث الثقافي والطبيعي

وان يتم نشر نسخة من هذه الرسالة علي كافة المدونات والمنتديات والمجموعات البريدية.

بادر بنشر الرسالة على:

مكتب اليونسكو برام الله: b.lamine@unesco.org
مدير مكتب اليونسكو برام الله: Mr Bechir Lamine

مكتب اليونسكو بجنيف: geneva@unesco.org

نص الرسالة المقترحة:

Mr. Koïchiro Matsuura
Unesco GMDear Sir,
We acknowledge and appreciate your great efforts to protect and save the priceless human heritage all over the world. Recently, we read that a group of professional investigators has been sent by the Unesco to Jerusalem to investigate the situation of Israeli excavations at the area of Al Masjed Al Aqsa, which we have a big concern that this may affect the foundations and lead to buildings collapse for one of the most important historic elements of this area and allover the world.We do support your efforts and your investigation group and looking for assigning a permanent chamber near this area to monitor, announce and stop any trial to destroy our heritage either for political or religion reasons.
Thank you and best regards,
Sincerely,

منقول من مدونة قاسم أفندى