يا مرارة الى خلفوونى
مقتطفات مما صرح به مسؤول نحيييييييف المستوى فى
جريدة الاهرام 22/8/2007
جماعات سرية تسعي لتضليل الرأي العام بادعاء وجود قمع وترهيب للمواطنين
أكد الوزير عدم التهاون مع أي حالة انحراف أو تجاوز أو انتهاك لحقوق الإنسان.
واتهم الوزير العناصر التي تنتمي لجماعات سرية باستغلال النشرات الصفراء في الترويج والادعاء بوجود أعمال قمع وترهيب, لتضليل الرأي العام. وقال: إن الشعب لديه وعي كامل بالمقاصد الحقيقية والمخاطر المحيطة به, نتيجة الأنشطة غير الشرعية لمن يروجون لهذه الدعاوي,
وأعلن استمرار أجهزة الأمن في انتهاج سياستها الحاسمة, وعدم التهاون مع العناصر التي تسعي بإصرار إلي تعميق نشاطها التنظيمي السري, والتستر وراء صياغات تخلط بين شعارات دينية وسياسية, بما يخالف الدستور والقانون.
وتطرق إلي دور أجهزة الأمن وإنجازاتها في مواجهة المخاطر المتصاعدة للإرهاب, والأعمال الإجرامية ذات الخطورة, خاصة في مجال إجهاض البؤر الإجرامية, وأكد ضرورة اليقظة مع تزايد التحديات الأمنية وتربص عناصر الإرهاب, وأكد أهمية العمل علي التطوير المستمر للأداء الأمني, والإمساك بزمام المبادأة.
تنويه هاااااام جداااا جدااااااا جداااااااااااااااااااا
الاهرام نقلت الخبر عن وزير داخلية احدى الدول الاسكندنافيه
ولمؤاخذة احنا عندنا عيال عايزين نربيهاااا
18 comments:
الكلام واضح وصريح ومفيهوش حاجة غريبة
دا واحد اهلاوي بيحمل الخونة الزملكاوية خسارة الاهلي في ام درمان
صح؟
ما هو يا كدة يا أما بيكلم عن تنظيم الاسرة
هو انا ليه حسيت انى غبية،
يعنى هى المشكلة فى و لا فى الكلام؟؟؟
السلام والتحية
على البنوتة
أشاركك الرأي وأقولها معك يا مرار أهالينا وأجدادنا.. ماذا سيحدث مستقبلا في هذه الدولة التي تحدثتي عنها، أعتقد أنك تقصدي جمهورية بادنجو الديمقراطية الاشتراكية المتحدة الإخوانية الشيوعية الليبرالية، برغم إني منعت نفسي من التعليق لكني علقت للعتاب، أين الجديد، إكتبي وستجدي الوقت، الكتابة بشهية مفتوحة كالغناء والدندنة، وبعدين يا أستاذة إنت أعظم من ناس كتير
ياما مدونات
صاحبتها هبلة ومسكوها كيبورد
إنما أسلوبك ممتاز
ننتظر الجديد
ولوزير الدولة التي تحدثتي عنها وكنت أتمنى أن ترفقي موقعها على الخريطة اللي بيدلعوها وبيقولوا خارطة
تذكرت هذا الدعاء
"اللهم فلفله وطمطمله و خيرله وجزرله،،واديله بطيخ ,,
اللهم بطخه
بس من غير بذر الزعيم يلهط على طووول،،ويخرب بيت اللى بيحبه وهو جواه بيحبه وواقف جمبيه واحد بيكره
اللهم موت الشعوب كلها فيوم واحد ,, وكل زعيم يسافر الكويت بقه ويجيب اتنين (هوه كان خلاط ولا تجسيل)
يخلى واحد ويبيع واحد،، اللهم خد مننا واديهم،، اللهم افقرنا واديهم،، اللهم شلحنا وغطيهم،، وآخر الدعاء أن خدهم جميعا يا رب العالمين"
مش هاقول أنا مين
أحسن الوزير ده يعمل اتصالاته ويجيبني وأنا غلبااااااااان
باكل مرة واحدة بس والله يا بيه في اليوم
أيوة والله
جبنة مقلية.. وبورجر
إيه ده
هوه كله ضرب ضرب مافيش شتيمة
ولو إن المدونات متراقبة اليومين دول وصاحبي الظابط في أمن الدولة قال لي ولا أعرفك من ساعة ما بدأت أكتب .. بس قلت أخش وأعلق وربنا يستر
على فكرة .. أنا إتشديت لكل البوستس اللي قبل ده .. قريتهم كلهم وعجبتني جدا جدا .. فيهم نقد بإسلوب خفيف وظريف وسهل الهضم
حقيقي مدونة جميلة بجد
حاجه تقطع القلب
تخيلي انت كمية الضغط عليهم لما يبقي عندهم تنظيم سري عدد اعضاءه بالملايين
احيانا الاستهبال بيكون حلو بس ده فى حالة لما الواحد يستهبل بمزاجه
انما هما اللى يجوا يهبلونا
فده كتير علينا اوى
الدولة بتسعى بكل جهدها لتوفير كل حاجه للمواطن حتى الهبل مش ناوين يحرمونا منه
دة كلام الوزير
على يدي
و النبي كل اللي قاله دة حصل على يدي بامارة العيال اللي بتموت من التعذيب كل يوم
انا ما قلتش حاجة
باي و راجع تاني بعدين
يا عم الداخليه زى الفل ولا بتستخدم عصيان ولا ضرب ولا قتل ولا حاجه ربنا يسترها معاهم دول ناس غلابة
شكلك كده معترضة؟؟؟
انتي مش مبسوطة معانا في مصر ولا ايه؟
واضح انك معندكيش عيال لانك مش خايفه و لو عندك مش حتلحقى تربيهم و ده افضل خليهم من غير تربيه علشان يعرفو يتعيشوا مع الواقع
اسكندرانى فى الغربة:
يا هلا يا فندم
لا هو فعلا ام درمان دى .. اصل انا سمعت ان ام درمان كانت عايزة تجوز ابو تركيه لبنتها درمان .. بس ابو تريكه خلع من الموضوع
ربنا يكفينا شر الفضايح .. الا هو رقم تنظيم الاسرة كام ؟
:)
باكي:
منورانى يا حبيبتى
المشكلة لا فيه ولا فى الكلام ... المشكلة فى النظام :) !!!
كاتبي الغالى:
لا مزيد بعد ما ذكرت .. وازيد معك فى الدعاء يا رب ما تدخلش ابدا عصيان فى ... بيوتهم ولا تحوجهم للاقسام يا رب العالمين ولا يشوفوا سجون ولا معتقلات ولا حتى فى التليفزيون يا رب .. والله يخرب بيت الى يقول غير كده ... دى الدول الاسكندنافيه بلاد طيبة وطاهره وزيد يا رب من بركاتهم
ولموأخذةعندى غسيل .. سلاموا عليكوا :)
يا مراكبي:
سيدى الفاضل
لقد تشرفت كثيرا بزيارتك الغالية .. وتشرفت اكثر واكثر بتعليقك واطرائك الكريم
ربنا يديم المعروف يا بيه .. بس يا ريت لو رقم موبايل صاحبك ظابط امن الدولة :)
lesafaker:
هى كمان اسكندنافية فيها ملايين, ...؟؟؟
لا يكون التنظيم السرى دى اخوانى دولى ليبرالى شيوعى يمينى يساري تصاحبه شبوره مائية على السواحل الشمالية صباحا :)
Desert Cat:
يا قطقوطة ربنا ما يحرمنا من الهبل بس يسبونا فى حالنا .. مرة واحد اسكندنافى قال انا عندى استعداد اعيش اهبل وعبيط بس ابنى يعيش بامان
Shams:
ايه يا هندسة؟؟
انت ما عندكش عيال ولا ايه .. ؟؟ جاى ترميلنا بمبه وطلعت تجرى
انا كمان ولا اعرفك :)
دولة خرابستان العظمي:
خالص خالص يا باشا .. ده احنا وعيالنا كلها فدى الحكومة و الداخلية .. الا هى دولة خرابستان دى فين على الخريطة :) ؟؟؟
غمض عنيك :
تسلم عنيك يا باشا ... غمض انت بس وكبر الجمجمة وروأ الدماغ وانسى موضوع مصر ده خالص
شكل قفل المدونة هيكون على اديكوا ان شاء الله :)
overforty:
منورنى بزيارتك الغالية يا فندم, .. وفى الحقيقة انا بفكر ما اجبش منهم اساسااااا
مساء الخير ياعزيزتي بنوته من وسط البلد
مالك بس؟ مين مزعلك وانا اخلية يقراء كل الكتب الرديئة في السوق!! شاوري لي بس عليه؟؟ هو صحيح !! أيه آخر فيلم نزل في سينما قر النيل؟ قولي لي ، أصل أنا بقي لي مدة ماشفتش سينما ولا أفلام
تحيات إسكندراني في بلاد الله الواسعة
Iskandrani:
يا مساء الفل يا فندم
طب بما ان حضرتك تووهت كده فى المواضيع ودخلت بينا على السنيمات والافلام
بما انك خواجة وفى بلاد الخواجات من سنوات طوال .. ما تترجملنا الكلمتين الى فوق دول تكسب فينا ثواب؟؟
وبالمناسبة احدث افلام السوق هو حسين وصفيه 6600
:)
مساء الخير ياست الكل بنوتة نص البلد
ماهو أنا لم أجد شئ يترجم لان الاهرام لا يسمح برؤية اللي فاااااااات؛ والخبر لم أقرأه بعد؛ أعمل أيه؟
الواد حسين و"النوبايل" 6600
مهيس خالص وعمال يتيريق علي البنت صفية في فيلم الموسم "حسين يترجم الجمرة بالكاميرا الديجتال" وعامل فيها بورم
تحيات إسكندراني في بلاد الله الواسعة
Iskandrani:
عزيزى الكريم:
وهو ايه الى ودى الداخلية فى داهية وفضحهم غير النوبايل والديجيتال كاميرا, اصل فى جماعات ارهابية تسعى لتضليل الراى العام تقوم بفبركة الكليبات والصور وتلفقها لعين امهم جهاز الداخلية بجلاله قدره
وبالمناسبه حسين وصفية احترفوا دلوقتى فى النرويج
وسابوا اسكندنافيه بالى فيها خالص
اصل لا مؤاخذة هما كمان عندهم عيال عايزين يربوهم
:)
تحييياتى الغالية
والله مفروض أنى مترجم بس من خلال خبرتى الشاسعه الواسعه أستنتج أن الكلام ده صادر من جورنال يهتم بنشر اخبار الخيال العلمى
وكل اللى اقدر اقوله بعد الكلام ده هو
no comment.
regards
Yousef:
عزيزى يوسف
شكرا على الزيارة الغالية
انت ما بتجييش ليه مش تبقى تيجي ...؟؟
وبعدين سيبك من فيلم الخيال العلمي وصحة وسلامة سعادة الرئيس
اصل انا مش من هنا
تحب تفطر ايه ..؟؟؟؟
:)
Post a Comment