احنا ناس لا بتوع سياسة ولا دياوله
ولا بنفهمها ولا عايزين نفهم فى امها
وسايبنها لناسها واصحابها من بتوع الامبريالية
والعلمنه واليساريه والشمالية
على الشرق الاوسط الكبير على القرن الافريقي الأكبر منه
وصبح صبح يا عم الحج
بس لما الواحد يشوف صورة زى دى
صعب يعديها كده بالساهل
صباح الاستفزاز على مساء الى اسمه ايه
يعنى الواحد ممكن يكون بيتكلم عن ايه علشان يبقى منظر امه بالشكل ده
غير انه بيوصف دوره فى بطوله فيلم رعب
عن فعص الفلسطنين ودعك العراقيين
ومص دم اللبنانين
وقرقشة عضام السوريين
وتقطيع مصاريين الليبين
على سحل الصوماليين
وخزوئة المصريين في دكرورالبلاليق (والحدق يفهم)
بس لو شوية دم كده عند بقها .. وكانت تبقى نجمة شباك للمرضى النفسيين
------------------------------
انا عايزة سندوتش فول وازازة كاكولا
وانا اروح من هنا
15 comments:
حاجه تفرس يا بنتي
يعنى الواحد ممكن يكون بيتكلم عن ايه علشان يبقى منظر امه بالشكل ده
حاسس انها طالعه اعماق اعماق اعماق قلبك.
بنوته
بتكتبي حلو جدا وموضوعاتك السابقه فرحتني جدا جدا وانا بشوف بنوته زيك بتكتب بمخ كبييييير....اديتيني امل في البنوتات والشبوبات-جمع تكسير شاب-
..
جميل جدا بساطتك في التعبير
بس شكلك نرفوزة زيي
مساءك ورد
Memo
نوريتييينى وكف الله الشر عنك من الفرسة
ان شاء الله هى والى زيها
anonymous
متشكرة جدا على مرورك الكريم
وفرحتنى بنفسى بجد
اصدق يعنى ؟؟؟
محمود بن حافظ
متشكرة على كلامك البسيط والجميل
وبالنسبة لنرفوزة
اعرف منين انك نرفوز زيي
؟؟
نوزرتيينى
أبدا تلاقيها مش بتبص فالمرايا
يا اخوانا انتو فاهمين امريكا غلط
انتو فاكرينها بعته الوليه دي تتفاوض
دي بعتاها عشان تقول الي مش هيسمع الكلام هيبا عامل كده
مع التطور الطبيعي للحاجة "الساقعة" كان طبيعي تتطور أمنا الغولة في زمن العولمة وتاخد الشكل المستفألظ ده "المستأفلظ " تعبير دارج يستخدم بكثرة في "دكرور البلاليق"
مدونة رائعة
تحياتي
karakib
وحياتك المرايا هى الى مش بتبص فى وشها
شرفتنى
King a.s.r
الى مش هيسمع الكلام هيبقى زيها كده
التواء فى الحاجبين
اعوجاج فى مفاصيل اليد
انبعاج فى الاسنان
فرشحة فى الشفايف
طرطشة وتفافة من اللسان
عته منغولى على تبول لا ارادى
فكرتنى بالخالة نوسة والله يمسيه بالخير جاميكا
منوررنااا
قاسم افندى
منورننى ومشرفنى
وفى اطار منظومة العولمة
ومحاربة الارهاب والقضاء على اسلحة الدمار الشامل
تقرر توزيع صورة المخفية على كل اقسام الشرطة
لتكون عبرة لمن لا يعتبر
وما العالم الا قرية صغيرة مافيهوش غير امنا غولة واحدة .. وهو الواضح امامكم من صورة البعيدة ام اربعة وارعين رجل ومناخير
يابنتي دي الي في وشها في قلبها وعلى لسانها
ممككن بكل سهولة تخمني هي في قلبها ايه
سلامي ليكي
طول عمرى رايى ان الوليه دى معقده نفسيا بسببب شكلها وكارهه الانسانيه كلها ,وكوووووول ده تنفيس عن الكلاكيع اللى جواها
اية بس يا بنوتة
مضطهدة خالتك ام سحلول لية
الولية غلبانة وبتجري على يتامى
و باعته الامريكان يلقطوا رزقهم في العراق على اعتبار انهم جيش من المرتزقه
روقي كدة واشربي الكاكولا وابقى تعالي بصى عالمدونة عندي فية مسرحية سياسية في تعليق واحد من الاخوة عالبوست الاولاني عن خالتي ام سحلول دي
تحياتي
بيسووو
وحياتك قلبها وطحالها وكلاويها على مرارة الى جابونا عايزين الحرق بسولار 92 من ابو مش عارفة بكام دلوقتى
سيبك انتى .. منورااناا
saso
هى الولية فعلا ملايانة كلاكيع .. مش شايفة صورتها عاملة ازاى
وعلى فكرة الصورة دى من موقع اخبارى عالمي .. يعنى من بيت ابوهم
نورتيينى يا جميلة
الحصان الاسود
شكرا على دعوتك الكريمة وفعلا زرت مدونتك الرائعة
وبالنسبة لخالتى ام سحلول الله يسحلها اكتر ما هى مسحولة .. ومنها لله وربنا على الظالم والمفترى .. كنست عليها السيدة والحسين والازهر والغورية
بلاش كوكا كولا .. مافيش عصير بطيخ ؟؟
بنوتة
شرفتي مدونتنا الرائعه بالزيارة
بس ياتري عرفتي تلاقي المسرحية السياسية اللي في تعليق البوست اللي اسمة مجانية التعليم والخلل الاجتماعي
اقريها ياريت تعجبك
تحياتي
مساء الخير يا بنت نص البلد \ قصدى وسط البلد
ساندوتش فول ااااااآه وبعده فنجان قهوه مظبوط وكتاب من كتب الاب الساخر وتمشيه فى العتبه والموسكى . فى لسه سور الازبكيه؟
تحياتى لك على الاسلوب الشيق والجميل
iskandrani
سيدى الفاضل شرفتنى زيارتك الكريمة
وسور الأزبكبية لسه موجود وبقى قصاده فارش البياعيين الى بيبعوا الولاعات واللعب البلاستيك .. الى لو اشتريتها وعديت الرصيف الناحية التانية هتكون اتكسرت منك :)
منوررررنى اوووووى
Post a Comment